خاص للبنات/كيفية التعامل مع بعض الشباب في الشات والماسنجر واماكن التعارف

--------------------------------------------------------------------------------

أولا:-
كيف البنت تتجنب الكلام غير اللائق على الماسنجر او الشات ؟
لازم البنت من أول ما تحصل او تسمع كلمة مو زينة من الشاب او واحد تكلمه على الماسنجر لازم ، لازم ترد علية بقوة وتوقفه عند حده على طول ، وبعدين تسويله بلوك (حظر)أو تلغيه لأن ,الواحد يوم يقولكم كلمة ماصخة وما يحصل رد يأدبه ،يتمادا او يرجع يعيد الكلام او المواضيع المو زينة
للمعلومية اذا سمحت له البنت يتحول كلامه مع هذه البنت كلة كلام مثير وصعب انه يرجع يتكلم معاها زين او يحترمها مرة ثانية لأنه وجد تساهل في البداية من هذي البنت.
، واذا غضبت البنت عليه يتأسف لها وايد ويحاول يقنعها بأنة هذي مسخرة وزلة لسان,وبعدين يغير او يطلب منها تغير الموضوع
وأحسن طريقة للرد على هذه الشباب: يوم يطلب منك طلب مو زين!
قولي له ترضى على اختك تسوي هذا الشيء اللي انت تبغيه، أو ترضى ان أحد يقول لأختك هذا الكلام، وعيدي عليه نفس الكلام.
ثانيا:-
من آداب الانترنت انة الوحدة ما تذكر اسم عايلتها او اسمها لان الوحدة يوم تكتب اسمها وبعدين اسم عايلتها يمكن تشوه صورة او سمعة عايلتها ويقولون شوفو بنت فلان او اخت فلان
او من اهل فلان حصلت اسمها على الرسايل ..الخ حتى لو كانت رسايل عادية او دينية، أغلب الشباب يترجمونها غلط ويمكن يستغلونها غلط فالواحد ما يفكر ايش هذي الرسالة بس يشوف اسم وحدة واسم عايلتها ياخذ فكرة غلط او مو زينة عنها وعن عايلتها، يعني مثلا في بعض الاشياء معروف انه كل الناس او البنات يسونها بس العيب انها تنعرف او يعرفون انة بنت فلان انها سوتها (ابغي افهمكم اللي في راسي وما اضني قدرت اعبر زين او اوصللكم الفكرة فاسمحولي)
يعني البنت اذا ذكرت اسمها او اسم عايلتها مو زين والله خاصة على الشات او الماسنجر او اي طريقة غير مشروعة للتعارف
وطبعاً البنت يوم بتتعرف على واحد بتحصل مجاملات كثيرة من التعارف، مثل الهدايايعني في عيد الحب اوغيره من أعياد المسيح، ومجاملات كثيرة في اشياء كثيرة ، يعني في الكثير من الشباب يعترفون قدام بعضهم ويعترفون بلسانهم ويقولون انة لازمالواحد اول شيء يذل عمره وحتى يبوس رجلها، ويحاول معاها بكل الطرق يعني يبني معها علاقة حب قوية، ويجيـبلها هدايا وجوو لها احسن الكلام ويبني الثقة بينهم، بس عشان آخر شيء او في النهاية يوصل للي يبيه منها (ينام معها بس قبل الزواج يعني بدون زواج)
فلا تغتر البنت من كثرة الاهتمام فيها، وتقول مسكين كثيـر متعب عمرة علشاني، وعلشان هذا تـتـنازل عن شيء من خصوصيتها وتقول لازم أرد جميلة عليه، او اراضيه وتسوي أي شيء هو يطلبه ويلمح لها عليه دوم مثل انها تعطية صورتها او تطلع وياه وتجول بس شوية عن خاطره، او عن خاطري وخاطره.
ثالثا:-
أغلب الشباب اذا جبِت أوصافهم وأخلاقهم :-الخايسة والخبيثة والنذلة مع البنات لو تشوفونهم تقولون هذا انسان فنان او حبوب وكشخة، يعني لو طلبت من واحد منهم ان يساعدك بإي شيء او يوقف معاك بأصعب المواقف، ما يردك حتى لو كنت محتاج فلوس بيسلفك عادي بيكون معاك شهم، بس لو شفت أفعالة مع البنات بتشوفه نذل وحقير هذا بس مع البنات (والله ما اكذب عليكم)،
يعني تشوف شاب محترم و سوالف بس لو تشوفون تصرفاته وكلامه عن البنات وكيف شكل وجهه وهو يتكلم عنهم، بتشوفون والله كل الخبث في وجهه والخبث من كلامه وافعاله معاها.
رابعا:-
البنت لا تفكر ولا تـقـيس ولا تقارن نفسيتها بنفسية الشباب ليش؟لان في فرق واختلاف كبير مثلاً لو وحدة متعرفة على واحد، وهذي الوحدة وصديقتها يعرفون بالموضوع او يعرفون كل شيء عن علاقتهم مع بعض فمثلاُ لو تزوجت هذا الرجال بيكون شيء عادي بنسبة لها ولصديقاتها .
ولو واحد متعرف على وحدة وأصدقاءه يعرفون بالموضوع صعب او مستحيل يتزوجها،لان يعتبرها فشلة قدام اصدقائه، وبيقولوه منو متزوج هذيك البنت الي متعرف عليها بالنت وتطلع معها، صعبة ان الواحد يزوج وحدة اصدقاءه شايفينها تتمشى وياه أو تكلمه في التلفون وهم جنبة (بقربة)، او قايل الهم سوالف هذي البنت ووصفلهم شكلها، ببسط المثال
يعني الوحدة تقدر انها تراوي او تخلي صديقاتها يشوفون صورة خطيبها، بس الرجال مستحيل مستحيل يخلي احد من اصدقائه يشوف صورة خطيبته، لانها خطيبته وبتكون حرمته ويغار عليها، شوفو الفرق بين نفسية وطبايع الرجال الي تختلف عن الحرمة .
والشباب الي متعرفين طايحين وما عندهم سالفة الي يتكلمون عن البنات الي متعرفين عليهم ويشهورنها بين كل الشباب ((فكيف بيزوجها يعني مستحيل والله).
خامسا:-
بعض البنات يستغربون ويقولون هل معقولة كل الشباب او أغلبهم ما يخافون من الله
وأن الله بـيـبـلـيهم في خواتهم وأهـلهم ؟!
كل واحد منهم يقول لنفسه ولاصدقائه ان شاء الله هذي فترة مراهقة و طيش وبتعدي، ويوم بكبر بتوب او يوم بتزوج الله بيتوب علي وانتها الموضوع.
وإذ نصحت اي شاب واحد منهم يرد عليك مثل ألف غيره يقول لا انا أول ولا آخر واحد .ويقولك لو نصحته عن الي يسويه مع بنات الناس، يقولك ليش انت مطوع او يقول آسف ما أدري انك مطوع، يعني الحين هل الشاب الي ما يتكلم او يكلم بنات يعتبرونه مطوع، اظني هذا عشان هم من كثر ما هم سفلة ونفسيتهم وآخلاقهم سافلة يشوفون الي ما يكلم بنات هذا مطوع.
ولو قلت لواحد من هذيل الشبابحديث او قصة تبين ان هذا دين عليه والله بيجازي بنفس العمل، بيقولك وهو متكبر او غير مهتم او ان هذا الحديث او المعلومة قديمة وهو يعرفها، ويقولك اعرف اعرف
سادسا:-
في بنات يساعدون صديقاتهم على التعارف، وهذيل في قمة الخبث والغباء، لأنهاتآخذ اثمها وأثم رصديقاتها،
وبذكرلكم موقف او قصة.مرة كنا ثلاث في السيارة فقال واحد منا للثاني اتصلت لي بنت وتقولي عندي اربع بنات وكلهم في الثانوية ابغي اعرفهم على شباب وقالت ابغي اكلمك عشان تشوفلي واحد من ربعك او من طرفك لاني واثقة فيك
(تخيلواربع بنات صغاربعدهم في الثانوية، وهذي تبغي تساعدهم على التعارف يعني تبغي تاخذ بدال اثمها اثم اربع بنات قمة في الفسق والفجور)
بس هذا شيء طبيعي لانها تسوي شيء غلط وتحاول تغـري او تزين هذا الغلط للي حولها من البنات وتساعدهم عشان ما تكون بروحها في هذا الطريق
ومو لازم انها تعرض على صديقتها او الي حولها بطريقة مباشرة مثلا تقولهم بعرفكم على شباب حلوين.ومو لازم تسوي شيء هي بس بمجرد انها تكلم واحد قدامهم وتظهر على وجها الحب والغرام ويسمعون الاسلوب الحلو واللطيف تقدر تخلي صديقتها ينفتنن بهذا المنظر واللي تسويه قدامهم
ومو لازم هي تعرض عليهم انها تعرفهم، لا هم الي بيركضون وراها.وبيجلسون يسئلون اسئلة كثير وعامة عن علاقتها بحبيها وهي بترد وبتزين لهم ويتجول عن علاقتهم كل شيء يعذبهم
ومرة كنت انا وصديقيي رايحين احد مراكز التسويق شفنا مجموعة بنات مستخفات(يعني مطلعات شعورهم ولابسين جنز )المهم فجانا واحد نعرفه قال شوفو هذيل البنات، المهم قالنا كل سوالفهم وفي احد ركن من المراكز والله وقدام عيني شفت وحدة منهم كانت تبغي تخرب وحدة من هذيل البنات، اظني كانت وحدة جديدة من المجموعة (من شكلها)
المهم تبغي تعرفها على واحد تعرفه بس ما كانت راضية فهذي الخبيثة كلمتها وبعدين رجعت ورا شويه، وعطت ظهرها للبنت وكلمت هذا الواحد الي ينتظرها(والله شكله خلاص ناوي عليها نيه)، وغـمـزت له وكلمته وفهمت من طريقتها ، ومن غمزتها وبأشارتها له بيدها ان البنت بعدها خايفة او مو راضية فانتظر عليها شوية.
سابعا:-
من سلوكيات وعادات الشباب والبنات هذي الأيام والأعمال الي يسونها بدون تفكير وما يحاسبون نفسهم على فعلها مثلا.في شباب يوزعون أرقام البنات على بعض ولو سألت الواحد منهم ليش تعطي فلان رقم وحدة ؟!يقولك هذي وحدة ضايعة او وحدة فري تكلم شباب عادي عندها، او هذي تكلم الف واحد فعادي شو المشكلة اذا عطيته رقمها،
والله ان سوو بالبنت شيء بيكون الاثم على اللي وزع الارقام , وهذه الفتره بدأت تجي ارقام البنات على الايميلات وانا يوميا تجيني اكثر من 3 ارقام باليوم وكلها جديدة بس انا احذف الارقام مباشرة
**********************************
المهم بنصح البنات شدو شوي مو من كلمتين تقولون هذا حلو من كلامه
والسبب اللي خلاني اسوي هذا الموضوع ان هذه اليومين كثرت البنات ,وعادي عندهم لوقلت لهم بنروح انا وياكي المكان الفلاني مابتصدق وبتقولك اوكي
وكل هذا خوف على بنات هاليومين

بالنسبه لي أنا من قرادة حظي اكلم بنات بالهبل(كثير)بس اّاّخر شيء تطلع تمساح(قصدي رجال)
في الاّونة الأخيرة يعني قبل شهرين تعرفت على ثلاث بنات ولازالو معي بس انا الحمدلله ماادور الخرابيط هذيك
ولو ايش ماعطي البنات رقم تلفوناتي ولو كلمت بنات بالتلفون اخاف وارتبش

واخيرا انصح الشباب المنحرفين اقولهم اعقلو وخلو عنكم هذه السوالف وارحمو من في الأرض يرحمكم من في السماء

===================================
ولاتزعلون ياشباب<------
ومنتظر ردودكم وتعليقاتكم على هذا الموضوع

اخوووكم فهووودي